Allt og samt ekkert

2006-05-08T21:17:00.000Z

Tíminn heldur áfram að líða eins og hans er von og vísa.Ég er orðin þrítug, átti sem sagt afmæli um daginn.Það var svaka partý og voða, voða gaman.Ástæðan fyrir því að þetta er viðeigandi frétt er að ég fékk voða fínan kjölturakka (laptop) í afmælisgjöf frá famelíunni.Kannski og bara kannski verður það til að þetta blogg-grey verði endurlífgað og hefji nýtt líf.Aðrar fréttir eru þær að ég er búin

2006-03-13T11:45:00.000Z

Núna er ég byrjuð að vinna aftur og kannski einhverjar líkur til að eitthvað fari aftur að gerast á þessari síðu sem núna er búin að standa óhreyfð altof, altof lengi.Það er nú kannski gott í sjálfu sér að ekkert hafi verið um að vera hér í langan, langan tíma, því þá eru allir hættir að venja komur sínar hingað og því hægt að skrifa hvað sem er án þess að vera hrædd um að móðga einhvern, því

2005-05-13T12:35:00.000Z

Í dag er föstudagurinn þrettándi og í þessum skrifuðu orðum eru 10.bekkingar um allt land að fara að ljúka samræmduprófi í dönsku.Meðan ég hef verið í fæðingarorlofi hef ég haft alveg nóg að gera (ótrúlegt en satt). Að hugsa um litla krílið hefur haldið mér upptekinni alla daga. Samt hef ég stundum fengið á tilfinninguna að ég sé að svíkjast undan og sú tilfinning er mjög sterk í dag. Mér finnst

2005-03-20T13:51:00.000Z

Tíminn líður bæði hratt og hægt í senn, ótrúlegt en satt.Búið er að nefna drenginn enda næstumþví orðinn mánaðar gamall. Hann heitir Markús Már og verður tekinn í kristinnarmannatölu (skírður) 17. apríl næstkomandi.Ég veit vel að það er til siðs hérna á Íslandi að halda nafni barnsins leyndu fram að skírn, en við foreldrarnir viljum ekki að Lilli festist á honum.Annars er það að frétta að Markús

2005-03-03T15:46:00.000Z

Lilli er núna 9 daga gamall og dafnar vel, þrátt fyrir nokkurra klukkustunda öskurhrinur á hverri (ein undantekning) nóttu.Hjúkrunarfræðingurinn kom í heimsókn og viktaði hann í dag, 3200 gr kominn upp fyrir fæðingarþyngd og hefur þyngst um 345 gr á 5 dögum (var 2855 gr þegar við fórum heim af spítalanum). Ekkert smá flott :-)enda langtum flottastur að öllu leiti.Á þessu heimili hefur verið

2005-02-27T13:16:00.000Z

Hér á þessari bloggsíðu hefur enginn færsla verið færð í hálft ár. En það þýðir ekki að ekkert hafi gerst Ó NEI.Ég ætla ekki að fara að rifja hér upp allt, held mig bara við það mikilvægasta.LITLI PRINSINN er kominn í heiminn. Sá merki atburður átti sér stað 22. febrúar kl. 06.18. Hann var 51 cm langur og 3050 grömm á þyngd. Als enginn risi en alveg fullkominn.Það gekk ekki alveg áfallalaust og

2004-08-12T22:28:00.000Z

Nú er komið nóg af leynimatti. Nú skal heimurinn allur fá að vita af þessu litla kraftaverki. Ég er ólétt, ófrísk, þunguð, barnshafandi, kviðug, vanfær, með barni, bomm, óhraust, stoppuð, tvílifra .... Með örðum orðum (eins og þessi séu ekki nógu mörg) við hjónin eigum von á barni í febrúar. Ég er núna komin 13 vikur á leið og hefst sú 14 á morgun. Þetta er allt búið að vera mjög

2004-07-11T22:42:00.000Z

Mikið rosalega getur verið erfitt að gera nokkurn skapaðann hlut þegar það er ekkert sem verður að gera. Komum heim frá Mallorca 1. júlí. Þetta var nú varla ferð sem hægt er að líkja við ferðina hjá bróður mínum, þessi var mun rólegri, en engasíður góð. Heiðskýrt og sól alla dagana og 34 stig í skugganum undir lokin. (allt of heitt). Við fórum í bæjarferð(til Palma), í herragarðs veislu og

2004-06-08T01:17:00.000Z

Bróðir minn var að koma heim frá Krít og hann var ekkert brúnn. Nei, nei als ekki... hann var svarbrúnn. Hann var í útskriftarferð og svo virðist sem þetta hafi verið alveg súper ferð. Hann er ekki típan sem getur legið í sólbaði heilu og hálfu dagana svo hann gerði sér ýmislegt til dundurs. Synnti t.d. út að einhverju skeri sem var þarna "rétt fyrir utan". Tók hann "bara" svona rúman

2004-05-11T09:17:00.000Z

Ma, ma, maður skilur bara ekki svona. Ég er alveg rugluð (meira en venjulega) það er búið að breyta öllu umhverfinu á Blogger. Nú jæja, það venst sjálfsagt eins og allt annað. Samræmduprófnum líkur með stærðfræðiprófi í dag og klukkan tvö leggja þau afstað í próflokaferðina. Hefja á leikinn í paintball, fara svo í sund og skola af sér skítinn og litaklessurnar, gist og snætt í Skálholti og

2004-05-06T22:35:00.000Z

Cogito ergo sem (Ég hugsa þess vegna er ég) Það er samræmtpróf í dönsku og ég vonaað nemendur mínir ætla að "vera" á morgunn. Verð að viðurkenna að ég er svolítið áhyggjufull. Prófið í fyrra var mjög sanngjarnt svo það eru miklar líkur á því að prófið núna verði eitthvað svínslegt :( Vona innilega að ég hafi rangt fyrir mér

2004-04-30T13:33:00.000Z

Í dag er góður dagur í dag á ÉG afmæli, þannig að nú er ég ekki lengur 27 ég er orðinn 28. Verð með smá afmælisveislu fyrir vinina í kvöld og kvöldkaffi fyrir fameliuna á sunnudaginn. Best að koma sér heim úr vinnunni og fara að undirbúa herlegheitin

2004-04-21T19:51:00.000Z

What do people really think about you? by Raven319NameAgefavorite songParents thinkYou're an angelStrangers thinkYou need a makeoverFriends thinkYou talk too muchCreated with the ORIGINAL MemeGen! Fann þetta á blogginu hjá systur minni og niðurstöðurnar okkar eru þær sömu fyrir utan álit foreldrana :)

2004-04-13T00:26:00.000Z

Páskafríið er búið og vinnan hefst aftur í fyrramálið. Ekki er hægt að tala um að ég hafi afrekað neitt stórkostleg meðan ég ar búin að vera í fríi. Bara þetta venjulega. Vaknað seint, horft á sjónvarpið, meðal annars á snókermót (mjög spennandi), farið í nokkra gönguferðir, borðað góðan mat. Sem sagt bara gert sem allra, allra minnst (sem er mjög gott). Við hjónin afrekuðum nú samt það

2004-03-29T23:21:00.000Z

Ákveðin heimskuleg pæling, sem kom upp í einhverjum fíflagang um daginn, hefur varla vikið úr huga mér. Orðið ókind þýðir það sama og skrímsli. Eða hvað? Forskeytið Ó þýðir oft ekki. Óþæg = ekki þæg, óafsakanlegt = ekki afsakanlegt, ónýtt = ekki nýtanlegt o.s.frv. Þýðir ókind þá ekki kind. En ef ekki kind hvað þá? Og er ókind þá ekki bara jákvætt orð? Þú er nú meiri ókindin = þú ert nú

2004-03-26T09:24:00.000Z

Aftur orðin grasekkja. Núna er hann farinn til Bretlands að horfa á eitthvert Rallý og kemur heim seint á sunnudagskvöldið. Ég ætla því að hanga með vinkonum mínum alla helgina eða svona mest allann tímann, afgangurinn fer í afslöppun. Fór í bíó um daginn á Passion of the Christe og hef aldrei upplifað annað eins. Aldrei hefur nokkur kvikmynd haft jafn mikil áhrif á mig og þessi. Kom út af

2004-03-11T14:34:00.000Z

Nú jæja, þá er enn og aftur langt síðan ég skrifaði eitthvað síðast og hef samt ekki frá neinu að segja. Held ég! Látum reyna á það eigasíður. Sunnudagsmorgunninn 29. febrúar keyrði ég kallinn minn út á flugvöll. Hann fór til Danmerkur og kom heim aftur á miðvikudeginum og mikið var ég fegin. Ekki að það hefi ekki verið nóg að gera meðan hann var í burtu eða að mér hafi leiðst. Ó nei, það

2004-02-28T11:59:00.000Z

Reyni alltaf að tolla í tískunni og þetta er víst voðalega inn þessa daganna :) Allt sem enginn vill vita um mig... 1. Hvenær vaknarðu á morgnanna? Það er mismunandi um helgar, en á virkumdögum kl 05:40 2. Ef þú gætir snætt hádegisverð með einhverjum frægum, hver væri það? Huuummmm... erfið spurning! Joss Whedon , þarf að tala alverleg við þann gaur. 3. Gull eða silfur? Silfur, verndar mann

2004-02-24T22:51:00.000Z

Míkið lifandi, skelfingar ósköp er gaman að vera í vetrarfríi !!! Fór í bústað á laugardaginn og var fram á sunnudagskvöld í góðu yfirlæti :) Allt í rólegheitunum, góður matur, æðislegur pottur og væta í kverkarnar aahhhh... Svona á lífið að vera. Verð í fríi á morgun líka og svo bara tveir vinnudagar og komin helgi aftur. Það er sem ég hef löngum sagt fimm daga helgi og og tveggja daga

2004-02-12T11:53:00.000Z

Vikan bara að verða búin og rétt ný byrjuð. Það er svo sem ágætt í sjálfu sér, en gallinn er bara sá að um leið og þessari er lokið hefst bara ný um leið. Það þýðir lítið að kvarta yfir náttúrulögmálunum, það er hreinlega ekki til neins, skilar engu yfirhöfuð. Það þýðir sammt ekki að allir þurfa að vera sáttir, það er ekki sjálfgefið mál. Þó svo að það sé fullljóst að ekki sé hægt að breyta

2004-02-07T22:48:00.000Z

Jaa hérna, nú hér!!! Naumast hvað tíminn líður hratt. Nú er barasta liðinn heill mánuður af nýju ári og gott betur. Ég skil þetta ekki alveg, tíminn líður og líður og samt gerist voðalega takmarkað merkilegt hjá mér. Ekkert að frétta sem er þess virði að segja frá, ekkert eftirminnilegt gerst sem vert er að nefna. Mikið voðalega hlýtur lífið að vera leiðinlegt. Ég hef bara ekki tekið

2004-01-06T12:30:00.000Z

Allir að taka þátt í getrauninni miklu. Ekki verða hrædd þó svo að tveir séu með fullt hús það eru systir mín og maðurinn minn. Sumir eru eitthvað fúlir yfir að þekkja mig ekki nógu vel :) og hafa ekki húmor fyrir einu svínsleguspurningunni.

2004-01-02T15:19:00.000Z

***2003**** GLEÐILEGT NÝTT ÁR !!! ****2004*** Til að stytta ykkur stundir bjó ég til litla og létta áramótagetraun um mig. Hún er hérna á spássíðunni, gangi ykkur vel :) Skrifa meira þegar vinnan er byrjuð aftur. En núna ætla ég bara að njóta þess litla sem eftir er af jólafríinu.

2003-12-11T23:29:00.000Z

Góður vinur minn varð í dag hamingjusamur faðir lítils drengs. Snáðinn var 15 merkur og 50 cm. INNILEGA TILHAMINGJU :)

2003-12-08T23:49:00.000Z

Er smátt og smátt að tína upp brotin sem eru dreyfð um ansi stórt svæði eftir sprenginguna á laugardagrinn. Litli púkinn í sálartetri mínu hefur ennþá hátt, en mér gengur aðeins betur að hunsa hann. Það tekst samt ekki alveg og það er voða, voða gaman hjá honum eins og er. >:-) Heimurinn (minn) verður aldrei samur aftur og sálin mín ekki heldur. Enn ég get lítið annað gert en sætt mig við

2003-12-06T18:11:00.000Z

Litli púkinn minn er sko ekkert með hálsbólgu lengur. Hann situr núna og hlær hástöfum og öskrar fullum hálsi "Ég sagði þér það, ég sagði þér það!" Enda hrundi heimurinn (minn) í dag!!!

2003-11-27T09:27:00.000Z

Mér líður svo vel, lífið er gott og heimurinn (minn) er að verða nákvæmlega eins og ég vil hafa hann. Það eru aðeins örfá atriði sem ég er enn að bíða og vonast eftir að gerist eftir mínu höfði. En tíminn einn mun leiða það í ljós hvort lukkuhjólið heldur áfram að snúast mér í hag. En þangað til annað kemur í ljós er tilveran góð, lífið er notalegt og heimurinn (minn) að breytast til battnaðar

2003-11-26T23:58:00.000Z

Ég lofa að skrifa bráðum eitthvað ;) En í millitíðini er hér enn ein könnunin, þessi er tengd dellunni minni Buffy face #1 Which Buffy face are you? brought to you by Quizilla Mjög áhugavert (haha..)

2003-11-24T23:31:00.000Z

Önnur undarleg teiknimynda könnun :) Ætli ég sé endanlega gengin í barndóm ?? What Finding Nemo Character are You? brought to you by Quizilla

2003-11-21T11:58:00.000Z

Aftur dottin í undarlegar kannanir á netinu :) Hello, Pikachu from Pokemon. You are very friendlyand nice, but when somebody you don't knowcomes to talk to you, you are very shy and soscared you won't run away. You do whatever isloserish, and you do not fight back if somebodyis mean to you. If you had magical powers, youwould use them seriously (evilly). So,basically, you are a wimp, a loser,

2003-11-17T01:13:00.000Z

Nú er enn ein helgin liðin eins og hendi væri veifað og framundan er ein og hálf fullbókuð vika. Skrekkur: undirbúningur í vikunni og keppnin sjálf á mánudaginn eftir viku, ball á fimmtudaginn og auðvitað þarf eitthvað að stússast fyrir það, á laugardaginn er hið árlega jólakaffi unglingardeildarinna með tilheyrandi stressi og á miðvikudaginn eftir eina og hálfa viku verður stofnfundur hjá

2003-11-12T00:03:00.000Z

Suma hluti ætlar maður alltaf að gera, er alltaf alveg á leiðinni að gera þá, skiluru!? En svo fer að dregast og þeim mun lengur sem dregst verður alltaf erfiðara og erfiðara að koma sér að verki :( Það sem var ekkert mál, annað en að gera það bara, er allt í einu orðið að stór máli og virðist nærri óframkvæmanlegt. Mest vegna þess að manni fer að finnast að það verði að verða svo stórkostlegt,

2003-10-20T13:48:00.000Z

Ég er búin að vera frekar lasin undanfarið og hef því eytt miklum tíma á sófanum fyrir framan sjónvarpið. Á þessum tíma hef ég horft á frekar mikið af rómantískum gamanmyndum og fór óhjákvæmilega að bera þær saman við raunveruleikan. Við fyrstu sýn virðast þessar myndir ekki eiga sér neina stoð í raunveruleikanum, en við nánari athugun kemur samt annað í ljós. Því það er nú einusinni þannig að

2003-10-10T13:18:00.000Z

Aphrodite/Eros ?? Which Of The Greek Gods Are You ?? brought to you by Quizilla

2003-10-10T13:08:00.000Z

Jæja, kominn flöskudagur ups! ég meina föstudagur :) Veislan mikla er annað kvöld og fram að því ætla ég bara að slaka á og gera eins lítið og ég kemst upp með.

2003-10-09T13:48:00.000Z

Nú er aftur kominn fimmtudagur og kominn heil vika sína ég bloggaði siðast. Ég má í rauninni ekkert vera að því að skrifa núna heldur, því það er vitlaust að gera hjá mér. Engasíður er hér smá skýrsla: Maðurinn varð þrítugur í gær og var mikið um dýrðir, fjölskyldukaffi sem stóð langt fram eftir kvöldi. Annars er aðal afmælið á laugardagskvöldið og þá verður örugglega veisluhöld til morguns

2003-10-02T23:37:00.000Z

Var að koma heim af best sótta opna húsi í sögu Seljaskóla (hlutfallslega auðvitað). Í unglingadeildinni eru tæplega 200 nemendur og þegar mest var í kvöld voru örugglega rúmlega 120 manns á staðnum. Um var að ræða Idol karaoke keppni og það er skemmst frá því að segja að stemningin var hreint ótrúleg. Í kvöld komu fram rumlega 20 kjarkaðar sálir, sem fóru upp á svið fyrirframan dómara og

2003-10-01T13:50:00.000Z

Það eru kominn mánaðarmót. Sem betur fer. Fjárhagsstaðan á nú sammt ekki eftir að batna neitt sérlega mikið vegna svolítils vísasukks sem fram fór rétt fyrir síðustu mánaðarmót. En ætli ég lifi þetta enga síður af eins og alltaf :) Annars verður fjárútlátin þessa mánaðar með meira móti vegna þess að kallinn minn verður þrítugur og auk þess eigum við 10 ára samvistarafmæli. 10 ár oh, my god..

2003-09-30T22:57:00.000Z

Ég held að síðan sé loksins orðin eins og ég vil hafa hana :) Annars fékk ég nett sjokk áðan. Ég álpaðist inn í ardhive hjá mér til að skoða hvernig síðan var áður en ég fór að breyta, og vááá... Loksins skil ég hvað systir mín er búin að vera að tuða yfir allann þennann tíma. Mér líkaði sko als ekki það sem ég sá, hún var hræðileg. Hvernig gat ég sætt mig við þetta svona lengi ??? Þetta er

2003-09-30T14:01:00.000Z

Nú held ég að krakkarnir séu endanlega gengnir af göflunum !! Hvað haldið þið að þeim hefur dottið í hug núna? Þau ætla að vera með karoki keppni í Idol stíl. Þetta getur örugglega orðið mjög skondið, en samt, er ekki í lagi með fólk? Greinilega ekki. Bjarta hliðin á þessu öllu saman er samt að ég hef verið beðin um að dæma í þessari keppni (ha, ha, ha ...), þá má ég, já það er hreinlega

2003-09-30T12:33:00.000Z

Ég er ennþá að laga og mér finnst bara ganga nokkuð vel

2003-09-29T20:08:00.000Z

Ég er að reyna að breyta og bæta smá vegis bloggið hjá mér :) Það er löngu, löngu orðið tímabært, en gengur svona og svona, ekki alveg nógu vel, en gengur samt smá. Mikið rosalega gengur þetta hryllilega hægt og ofsalega er þetta mikið föndur. En núna þegar ég er búin að fatta hvernig á að gera þetta er aldrei að vita hvort ég geti nokkuð látið þetta í friði eða verði alltaf að breyta

2003-09-26T08:43:00.000Z

Stelpukvöld var haldið með miklum ágætum í skólanum í gærkvöldi. Mætingin varð mun miklu betri en ég átti von á fyrirfram og stemningin var með eindæmum. Eins og alltaf þegar margar stelpur hittast var mikið talað og margar kjaftasögur flugu milli manna (kvenna) og oft voru munnlegarhríðskotabyssur í notkunn. En því tóku allir bara vel og enginn varð mjög sár, enda var þetta allt í góðu gríni

2003-09-25T11:47:00.000Z

Ég held að ég hef komist að því af hverju ég fíla svona vel að umgangast unglinga My inner child is sixteen years old! Life's not fair! It's never been fair, but whileadults might just accept that, I knowsomething's gotta change. And it's gonnachange, just as soon as I become an adult andget some power of my own. How Old is Your Inner Child? brought to you by Quizilla Þetta getur allavegana

2003-09-24T15:06:00.000Z

Nú er sko búið að vera fjör í vinnunni hjá mér, að minnsta kosti hjá krökkunum. Það eru búin að vera rosalega mikil veikindi hjá okkur kennurunum. Ég lá sjálf heima veik fimmtudag og föstudag og þegar ég kom svo í vinnuna á mánudaginn vorum við einungis 5 kennararnir sem vorum mætt í unglingadeildinni og þið getið rétt ímyndað ykkur lausungin á liðinu þann daginn. Síðan hefur þetta farið smá

2003-09-09T23:29:00.000Z

Langt er á milli þess að ég hef eitthvað til málana að leggja á þessum vettvangi eins og er. Sannleikurinn er bara sá að ég hef haft um annað að hugsa upp á síðkastið. Vinnan t.d. er komin á fullt skrið aftur og það er sko nóg að gera. Mér líður eins og það sé alltaf meira og meira að gera, en ég er ekki alveg viss um að það sé raunin. Hugurinn (heilinn) er nefnilega stöðugt að blekkja

2003-09-01T19:22:00.000Z

Jæja og aftur jæja, og svo dæsa með tilþrifum! Núna er fyrstu kennsluvikunni lokið og allt komið í fullan gang. Það er hreinlega eins og ég hafi ekkert verið í sumarfríi, því allt er óbreytt í meginatriðum. 1. Nemendurnir eru ennþá jafn hávaðasamir. (Helst til hávaðasamari ef eitthvað er) 2. Vinnufélagarnir eru þeir sömu. (Aðeins smávægilegar breytingar) 3. Markmiðin hafa ekkert

2003-08-19T22:10:00.000Z

Ég fór að leika mér og tók svona fíflaleg próf á netinu og mér fannst þessi niðurstaða svolítið skondin. Mest samt út af myndinni og ákveðinni dellu sem ég er haldin. Protector The ULTIMATE personality test brought to you by Quizilla Þeir sem þekkja mig ná þessum "brandara" strax.

2003-08-19T21:51:00.000Z

Jæja, þá er það búið ... Það er virkilega búið, því hefur verið eytt, það er er ekkert eftir af því og því fær enginn breytt. Getur það virkilega verið? Er það satt? Já því er nú ver og miður. Sumarfríinu er lokið. Vinnan er hafin að nýju og allur veturinn framundan. Ég verð að viðurkenna að mér finnst þetta frekar niðurdrepandi tilhugsun, en ég lifi þetta af. Ekki hafa neinar

2003-07-19T03:15:00.000Z

Pæling: Afhverju eru allir alltaf að skipta sér af lífum annarra ???? Hver kannast ekki við spurningar eins og: Hvernig er það ætlar þú ekki að fara að fá þér kærustu/kærasta? Ætlið þið ekki að fara að kaupa ykkur íbúð? Ætlið þið ekki að fara að gifta ykkur? Á ekki að fara að koma með barn? Á þetta barn að vera ofdekrað einbirni, er ekki annað í bígerð? Ætlið þið ekki að fara að stækka

2003-07-15T01:19:00.000Z

Ég er farin að trúa því sem pabbi minn segir alltaf. Hann hefur lengi haldið því fram að góða verðið komi bara þegar meginn þorri landsmanna sé í vinnunni. Tökum síðustu daga sem dæmi: Það var frábært verður á föstudaginn, meira eða minna rigning alla helgina og bara hið ágætasta veður í dag. Hvað á maður að halda? Tilviljun? Eða er kannski eitthvað til á þessu hjá honum? Nú bara veit ég

2003-07-11T18:47:00.000Z

Það er nú meiri bongóblíðan í dag, hreinasta Mallorcaveður barasta. Ég hef lítið gert annað í dag, en að liggja í sólbaði úti í garði og njóta þess að vera í sumarfríi. Bíllinn er ekki ennþá kominn í lag, en það er verið að vinna í því hörðum höndum. Hef varla séð karlinn minn síðan við komum úr útilegunni, en það er svosem ekkert nýtt. Hann er alltaf að vinna ýmist fyrir sjálfann sig eða

2003-07-11T00:48:00.000Z

Hvað er að sjá allt komið aftur í lag. Yes, rosalega get ég verið klár og dugleg þegar ég tek mig til .

2003-07-11T00:46:00.000Z

Jæja sjáum til hvort mér hafi tekist að laga þetta með íslensku stafina þrátt fyrir tölvufötlun mína. það er aldrei að vita hvert fiktið hefur borið árangur. :)

2003-07-07T16:02:00.000Z

Hvada vitleysa er thetta islensku stafirnir eru horfnir?? Lika af eldra bloggi :( Hvernig er heagt ad laga thetta thvi thetta er otholandi #%$&" :(

2003-07-07T15:59:00.000Z

Það er bara búið að breyta öllu umhverfinu á blogger, það má varla líta af þessu. (ha, ha) Jæja komin heim á klakan og vel það. Búin að fara á eitt ættarmót og í eina útilegu. Á ættarmótinu komum við í rigningu, en í útilegunni tókum við tjöldin saman í hávaða roki og bullandi rigningu. Svona er Íslenska sumarið :) En maður lætur þetta nú ekki á sig fá, það er ekki annað hægt en bara að

2003-06-17T14:41:00.000Z

GLEDILEGAN THJÒDHÀTÌDARDAG Bestu kvedjur frá Baunalandi

2003-06-17T14:38:00.000Z

Thad er komid sumar og eg er i Danmørku, thess vegna eru stafirnir svona skrítnir. Nú er ég búin ad vera hérna í viku. Øllu vinnu tengdu er lokid og ég er bara hér í sólinni í gódu yfirlæti. En Adam var ekki lengi í Paradís og thad verd ég ekki heldur, thví leidin liggur aftur heim á Klakann á føstudaginn. Annars er bara allt gott ad frétta af mér. Skólalokin gengu vel og ferdin hefur fram ad

2003-05-22T09:26:00.000Z

Tölvan mín í vinnunni er loksins komin í lag. Hef verið tölvulaus síðan fyrir páska og til að bæta gráu ofan á svart bilaði tölvan heima líka. Ég vona að ástandið heima verði ekki langvinnt, en nú get ég allavegana sinnt vinnunni minni almennilega aftur. Margt hefur gerst að undanförnu: Ég er orðin árinu eldri, systir mín og mamma líka, samræmduprófunum er lokið, hin prófin eru að byrja í dag

2003-04-18T19:16:00.000Z

Það er með réttu hægt að fara að kalla þetta dauttblogg, þ.e.a.s. ef ég fer ekki að gera eitthvað alvarlegt í málinu. Andleysið er alveg að drepan mig núna ég hef ekki hugmynd um hvað ég á að skrifa. Getur það verið vegna þess að ég er komin úr æfingu? Eða vegna þess að ég er ekki búin að gera neitt af viti í heila viku? Það er nú einu sinni påskafrí og heilinn minn hefur tekið því mjög

2003-03-12T13:33:00.000Z

Alskonar próf á netinu eru ennþá inn hér er það síðasta sem ég tók I am 23% evil. I try to stay away from evil deeds but succumb to temptation every once in a while. I'm not quite on my way to hell but I certainly have some explaining to do. Are you evil? find out at Hilowitz.com

2003-03-09T23:11:00.000Z

Jæja, þá er það búið. Vetrarfríið kom og fór, helgarfríið tók við og er líka búið. C´est la vie. Fyrsta formúlu 1 keppnin var í nótt og ef þetta er það sem koma skal verður nú aldeilis gaman að fylgjast með þessu í ár. Þetta var orðið svo tilbreytingarlaust í fyrra að jafnvel hörðustu aðdáendur voru að missa áhugann. Ekki var ég nú samt með öllu sátt við keppnina, ég er farin að halda að það

2003-03-04T00:48:00.000Z

Núna hefur enn og aftur liðið langur tími án þess að ég hef skrifað nokkurn skapaðan hlut. Ekki það að ég ætla að lofa bótum og betrun. Ég vildi bar nefna það svo það sé öllum fullljóst að ég geri mér fulla grein fyrir þessu. Hin og þessu netpróf virðast vera mjög inn þessa dagana og ég er svo míkið tískufrík (ha, ha) að ég auðvitað tek fullan þátt í þessu mikla “trendi”. Veit samt ekki hvað

2003-02-19T13:43:00.000Z

Allir þurfa vini. Vinir eru þeir sem lýsa upp daginn, þegar skammdegið er mest. Vinir eru þeir sem hlusta þegar þú hefur eitthvað að segja, sama hversu fáránlegt það er. Vinir gleðjast og syrgja með þér. Vinir eru þeir sem skilja þig, eða reyna það allavegana af öllum mætti. Sannir vinir eru vandfundnir og gulli betri. Fátækur er vinalaus maður. Vinátta er hrósuð hástöfum alstaðar og oft

2003-02-15T16:08:00.000Z

Mér hefur verið bennt á þá óskemmtilegu, en jafnfremt óumflýjanlegu staðreynd að ég er vinnualki. Já og eftir svona viku eins og þessa er víst ekki til mikils hjá mér að reyna að neita því. Ég hef verið að stússast í einhverju vinnutengdu öll kvöld í þessari viku. Ég verð að fara að taka mig taki og eignast eitthvað líf fyrirutan vinnuna. Þetta var kannski of djúft í árina tekið, ég meina

2003-02-07T12:46:00.000Z

En ein vinnuvikan að verða búin og helgin að ganga í garð. Það er alltaf jafn notaleg tilfinning, en skammvinn með eindæmum. Það er aftur orðið heldur langt síðan ég bloggaði síðast, en það sýnir bara hvað ég hef alltaf mikið að gera.

2003-01-31T12:04:00.000Z

Hvað er hægt að segja á svona degi? Ég segi að minnsta kosti ekki mikið í dag. Öskraði það mikið á sjónvarpið í gærkvöldi að ég er mjög rámrödduð í dag, nemendum mínum til mikillar skemmtunar. Ég er ekki sátt við úrslitin í leiknum í gær. Er samt bara þokkalega sátt við framístöðu okkar manna, þeir eru búnir að standa sig vel. En mikill vill meira, og það er alltaf sárt og svekkjandi að tapa

2003-01-30T23:07:00.000Z

Er allt að fara til fjandans? Heyrði í útvarpinu í dag að margar Evrópuþjóðir segjast nú ætla að standa með Bandaríkjunum í stríði gegn Írak. Að mínu mati bentir flest til þess að við eigum í væntum míkið stríð jafnvel heimstríðöld. Það má kalla það kaldhæðni örlagana að fyrir nákvæmlega 60 árum, þ.e.a.s. á þessum degi (30. janúar) 1933 varð Adolf Hitler kanslari Þýskalands. Tilviljun? Alveg

2003-01-30T10:26:00.000Z

Í gær komst ég af einhverjum ástæðum ekki inn á netið, en mér var mikið niðri fyrir og ég hafði mikla þörf fyrir útrás, ég skrifaði því smá klausu á word og hef ákveðið að birta það hér, þó svo að það sé ekki skrifað í dag. Það ekki líkt mér að vera að láta hitt og þetta fara í taugarnar á mér og kvarta og kveina yfir hlutum sem ég get ekkert gert til að breyta. Að verða meiriháttar fúl og

2003-01-24T13:33:00.000Z

Er ekki gaman að koma fólki á óvart? Mér finnst það, og ég er svo ílla innrædd að mér er nokkuð sama hvort því er komið skemmtilega eða óþægilega á óvart. Almennt pukur hefur alltaf átt vel við mig og mér líður sjaldnar betur en ef ég veit eitthvað sem aðrir vita ekki. Svo ég tali nú ekki um þá unaðstilfinningu sem fylgir því að vita eitthvað sem öðrum langar að vita og neita að segja frá því

2003-01-20T14:28:00.000Z

Mikið gasalega var nú gaman um helgina. Fór með vinahóp í bústað í Brekkuskógi. Við vorum bókstaflega í bleyti alla helgina. Það var nefnilega heiturpottur hjá bústaðnum og á laugardaginn fórum við í gufu á Laugarvatni. Þetta var alveg rosalega skemmtileg ferð, en mér finnst ekki hægt að segja að ég sé úthvíld eftir hana. Bara öðruvísi þreytt en venjulega, einhvernvegin miklu betri þreyta.

2003-01-14T16:25:00.000Z

Ég stóð í þeirri barnalegutrú að ég mundi hafa eitthvað minna að gera núna eftir áramót en á síðustu önn. Það virðist hafa verið mikill misskilningur hjá mér. Það er síst minna á dagskránni, nema síður sé. En það er víst eitthvað sem ég verð bara að sætta mig við og takast á við af fullum krafti.

2003-01-13T15:21:00.000Z

Já!!! ég er enn á lífi þótt ekkert hafi heyrst í mér í langann tíma. Yfir hátíðarnar hafði ég svo mikið að gera og um svo margt að hugsa að ég mátti bara ekkert vera að því að sitja við tölvuna, vissuð þið annars að orðið tölva er samsett úr orðunum tala og völva? Jáá.. þeir eru margir fróðleiksmolarnir sem leynast í hinum ýmsu spilum. Systkyni mín voru svo elskuleg að gefa mér spilið Partý & co

2002-12-24T00:24:00.000Z

Núna eru u.þ.b. 1056 mínútur til jóla. Bara svona ef einhver hefur verið að velta því fyrir sér. Fór á Laugaveginn áðan, ég hitti slatta af fólki, en engan af þeim sem ég hitti venjuleg á Laugaveginum á Þorláksmessu, skrítið. Ég er alltaf jafn hissa á því hversu margir virðast í raun og veru komir þangað til að versla. Ekki mundi ég nenna þessu á síðustu stundu. Enda búin með það sem ég ætla

2002-12-20T23:27:00.000Z

Komin í jólafrí og mikið er það nú æðislegt. Ég veit að ég hef áður verið með yfirlýsingar um að ég hlakkaði ekki til jólanna heldur aðeins til jólafrísins. Núna þegar jólafríið er skollið á verð ég nú samt að viðurkenna að ég er farin að hlakka til jóla. Mér voru send góð ráð varðandi jólaundirbúninginn áðan og mér finnst þau það góð að ég vil endilega deila þeim með ykkur. Húsráð fyrir

2002-12-18T17:51:00.000Z

Haldið þið að mér hafi ekki verið boðið í æðisgenginn hátíðarmat áðan. Það var 9.bekkjarmatreiðsluvalið sem var þar að verki. Hamborgarahryggur, brúnaðar kartöflur og annað meðlæti og heimalagaður ís með karamellusósu í eftirrétt. Leitt hefði mér þótt að missa af þessu. Nú er ég komin í meiriháttar jólafíling og ekki einu sinni það að þurfa að standa í kílómetra langri röð á pósthúsinu áðan

2002-12-18T13:10:00.000Z

Ég gersamlega vængbrotin, frekar einmanna þessa stundina, með töluvert tóm í tilverunni og þar að auki svaf ég yfir mig í morgunn, það eitt getur auðveldega eyðilagt fyrir manni daginn. Miðvikudagar eru ekki í miklu uppáhaldi hjá mér í vetur, vinnudagurinn er svo götóttur og mér finnst aldrei verða neitt úr neinu hjá mér á þessum tíma. Dagurinn í dag er ennþá verri en venjulega því

2002-12-18T00:07:00.000Z

Nú er þessari martröð lokið. Búin að fara yfir prófin, færa inn einkunnir og lagfæra mætingarlistann. Mér finnst ég búin að vera alveg svakalega dugleg ;) Alveg er það annars lýgilegt hvað ég er ótrúlega dugleg við að finna mér eitthvað annað að gera þegar ég á að vera að fara yfir próf. Allar þær afsakanir sem ég áður notaði til að draga það að fara að lesa undir próf eða vinna einhver

2002-12-14T00:10:00.000Z

Nú á enn önnur vinnuvika að vera á enda. En nei, nei hjá mér er hún í raun rétt að byrja. Núna er framundann tveir sólarhringar af litlu öðru en yfirferð á prófum og svefni. Annars er mikil vinna og miðurgóð heilsa ekki besta blandan. Ekki það að allir viti það ekki, en mér dettur ekkert annað í hug að skrifa þessa stundina. Núna ætla ég að reyna að fara að sofa til að geta unnið eitthvað

2002-12-12T20:07:00.000Z

Snúum okkur aftur að sama efni og í gær, nei ekki stolnu helginni, það er afgreitt mál. Alveg er það makalaust hvað tungumálið er misnotað og ofnotað. Þetta fer fram á það grófann hátt að jafnvel sé beinlínis hægt að tala um nauðgun. Það er alveg hreint ótrúlegt bull sem veltur fyrirhafnar laust upp úr sumu fólki. Gersamlega samhengis-, innihalds- og tilgangslausar orðræður. Í þessu

2002-12-11T22:45:00.000Z

Fyrst verð ég að viðurkenna að ég hef svolítið verið að velta mér upp úr sjálfsvorkunn síðan á mánudaginn. Það að einhver skildi vera svo ósvífinn að stela af mér helginni hefur tekið mjög mikið á. En þetta hefur líka komið afstað vangaveltum hjá mér, um þetta sama málefni og ég hef komist að niðurstöðu varðandi þetta, þótt undarlegt megi virðast. Niðurstaðan er þessi. Óþokkinn sem stal af

2002-12-09T11:28:00.000Z

Þá er vinnuvikan hafin á ný og stritið heldur áfram á afláts. Bíðið nú hæg! Hvað varð um helgina? Ég held ég hafi týnt henni. Nei annars það getur ekki verið, hún er mér það dýrmæt að ég passa sérstaklega vel upp á hana. En hvað hefur þá gerst? Það hefur einhver óþokkinn stolið henni! Vill ónýtjungurinn sem stal helginni gera svo vel að skila henni aftur og það strax! Ég þurfti

2002-12-06T21:01:00.000Z

Það er komin helgi tralla lalla la. Ekki það að ég sé með neitt sérstakt á dagskránni, en það er komin helgi tralla la. Já litlir hlutir gleðja einfalda sál. Einföld sál? Er þá hægt að vera með tvöfalda eða jafnvel margfalda sál? Bara að spá. Ég meina ef eitthvað er einfallt er það ekki margfallt, það er bara eitt af því. Einfalt getur líka þýtt þunnt. Í þeim skilningi eru þá ekki allar

2002-12-06T12:50:00.000Z

Mikið hryllilega geta nemendur verið óþólandi. Ekki einstaklingarnir, heldur á ég við hópa. Ég hef komist að því að þessi stóri furðulegi þjóðflokkur sem þrífst í mestu vellystingum í íslensku þjóðfélagi, er þannig gerður að einstaklingar innann hans eru bara ansi skynsamir ef maður nær þeim einum. Ef hinsvegar er samankomin hópur af þessum furðuverum, er alveg gjörsamlega ógerlegt að eiga við

2002-12-06T09:33:00.000Z

Heilasellurnar eru loksins að vakna, enda búið að skola niður tveimur fyrstu kaffibollunum. Það er samt alveg ótrúlegt hvað ætlast er til af manni áður en maður vaknar á morgnanna, þ.e.a.s. áður en koffínhlutfallið í blóðinu er orðið passlegt. Annars er þetta bara allt í lagi, krakkarnir eru hvort sem er ekki vaknaðir heldur og þannig að þau taka ekkert eftir því þó kennarinn sé ekki alveg

2002-12-05T16:02:00.000Z

Það má alveg segja sem svo að ég hafi látið plata mig út í þetta. Ég hafði að vísu heyrt um blogg áður, en þegar ég fór að lesa blogg hjá vini mínum og vinnufélaga og ég komst að því að blogg væri í raunini það sama og ég hef verið að skrifa í stílabók, bara á netinu, ákvað ég að reyna þetta. Það er alveg öruggt að þetta verði ekki mjög gáfulegt hjá mér og afskaplega ófagmannlegt í byrjun, en